Улуустаа5ы Чиряев аа5ыыларыттан сонуннар

Автор: Ekaterina от 9-11-2020, 16:55, посмотрело: 10

0
Сэтинньи 6 күнүгэр үгэскэ кубулуйбут улуустааҕы Чиряев ааҕыылара 24 төгүлүн буолан ааста. Быйылгы ааҕыылар уратыларынан пандемия мэһэйдээн ЗУУМ технологиянан буолла.
Ааҕыылар Улуу Кыайыы 75, Норуот педагогикатын Музейа төрүттэммитэ 40 сылларыгар, 2020 сыл улууска Норуот педагогикатын сылыгар ананнылар.
Ааҕыыларга барыта 34 киһи кытынна. Бииртэн биир интэриэһинэй, сиппит-хоппут дакылааттары иһиттибит. Оҕону өбүгэ үгэһинэн иитии, төрүччүнү үөрэтии, өбүгэ дьарыгар уһуйуу, үлэнэн иитии, дьиэ кэргэн кинигэтин таһаарыы, кинигэ ааҕыытыгар уһуйуу о.д.а боппуруостары кыттааччылар дакылааттарыгар сиһилии суруйбуттарын билиһиннэрдилэр.
Кытыннылар: Кэнтик, Харбалаах, Боотулу, Тамалакаан, Дүллүкү, Өргүөт, Кырыкый, Онхой, Хоро, Мэйик, Ороһу, Үөһээ Бүлүүтээҕи республиканскай лицей, Үөһээ Бүлүүтээҕи №2 оскуолалар, детсадтар төрөппүттэрэ, учууталлара, иитээччилэрэ.
Ааҕыы түмүгүнэн маннык миэстэлэр ананнылар:
1 миэстэ - Захарова Сардана Петровна (ВВРЛИ) “Экспедиционнай үөрэтии оҕо иитиитигэр суолтата”, Григорьева Валентина Анатольевна (ВВСОШ №2, төрөппүт) “Урукку кэмҥэ кыыс оҕону иитии”,
2 миэстэ – Терентьев Семен Георгиевич (Тамалакан, төрөппүт) “Уол оҕону уус идэтигэр уһуйуу”, Колтовская Туйаара Трофимовна (Харбалаах, төрөппүт) “От үлэтэ уонна оҕоҕо иҥэриллэр төрөөбүт тыл сүмэтэ”,
3 миэстэ – Будищева Наталья Федоровна (Кэнтик) “1933-1934 сыллаахха саха оҕотун олоҕо”, Попова Валентина Васильевна (Мэйик) “Көстөкүүн Чиирээйэп өтө көрүүтэ – биһиги олохпутугар” дакылааттара буоллулар.
Биһирэннилэр: Дмитриева Елена Петровна (Кэнтик) “Махтанабын ийэбитигэр, эбээбитигэр”, Деллохова Ульяна Николаевна (ВВСОШ №2, төрөппүт) “Дьиэ кэргэн үгэстэрэ”, Кысылбаикова Варвара Гаврильевна (Ороһу) “Иһирэх тылынан ийэбит туһунан” дакылааттара.
Ороһу орто оскуолатын К.С.Чиряев, Г.Н.Волков аатынан кылаастара бэйэлэрин биһирэбил бириистэрин Т.Т.Колтовскаяҕа,В.А. Григорьеваҕа анаата.
Куйаар ситиминэн да буоллар истээччилэр дакылааттары сэргээбиттэрин, сорохтор дьиэнэн истибиттэрин суруйдулар. Маннык ааҕыылар туһалаахтарын эттилэр.
Ааҕааччыларын кытыннарбыт оскуолаларга, детсадтарга улахан махталбытын тиэрдэбит.
Кыттыбыт дьоннорбутугар махтал, кыайыылаахтарга эҕэрдэ. Инникитин кыттааччы ахсаана өссө эбиллиэ диэн эрэнэбит.


Дириэктэр Васильева Р.А.
скачать dle 11.3

Категория: Воспитательная работа / Дополнительное образование

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Добавление комментария

Имя:*
E-Mail:
Комментарий:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Подтвердите что вы не робот: *