"Үрдүк дабаан - 2020"

Автор: alybnik от 10-03-2020, 16:01, посмотрело: 183

0 Үрдүк дабаан-2020
Сааскы сандаархай 2020 сыл кулун тутар 6 күнүгэр Н.Г.Золотарев- Якутскай аатынан Харбалаах орто оскуолатыгар 5 сылга диэри үлэлээбит эдэр учууталларга аналлаах, үгэскэ кубулуйбут “Үрдүк дабаан” күрэхтэһии буолла.
Бүлүү түбэтин улуустарыттан, Дьокуускай куораттан 24 инникигэ дьулуһар хоһуун санаалаах 24 эдэр учуутал күрэстэстилэр. Учууталлар бөлөххө наарданан, 3 түһүмэҕинэн илин-кэлин түһүстүлэр. Ол курдук уруоктары, талан ылбыт темаларынан тута кылаас чааһын ыытан, эриирдээх психологическай-педагогическай күчүмэҕэйдэри, уустук түгэнтэн тахсыыны быһаарар хоруйдары биэрэн, тириттилэр- хоруттулар.
Ыҥырыылаах ыалдьыт, М.К.Аммосов аатынан ХИФУ алын сүһүөх үөрэхтээһинин кафедратын доцена, педагогическай наука кандидата Марфусалова Венера Петровна бэлиэтээбитинэн: “Кыракый оскуола күүһүнэн тэриллэр бу күрэхтэһии тыына эдэр учууталлар таһымнарын үрдэтиигэ олус суолталаах, инникигэ сирдиир аналлаах, үөрэтии хаачыстыбатын тупсарыыга төһүү күүс буолар. Оскуола оҕолоро сайдалларыгар үктэл буолар. ” Үөрэх салалтатын ИМЦ салайааччыта, педагогическай наука кандидата Филиппов Олег Егорович этэринэн: “Маннык күрэхтэһиилэр учуутал үөрэтэр таһымын түргэнник сайыннараллар. Күрэхтэһии тэтимин, күүрээнин билбит учуутал өй-санаа, билии-көрүү өттүнэн лаппа уларыйар.”
Сыаналыыр-дьүүллүүр сүбэ быһаарыытынан, "Үрдүк Дабаан -2020" эдэр учууталлар күрэхтэрин түмүгэ маннык буолла:
№26 Дьокуускай куорат орто оскуолатын информатикаҕа учуутала Алексеев Алексей Александрович "Үрдүк Дабаан - 2020" муҥутуур кыайыылааҕа уонна "Үɵрэнээччи билиниитэ" диэн анал ааты ылан, аны сайын Тунис республикатыгар күүлэйдии барар путевканы тутта.
№4 им. Д.С. Спиридонов аатынан Үөһээ Бүлүүтээҕи орто оскуолатын алын сүһүөҕүн учуутала Бочкарева Екатерина Александровна 1 миэстэ, М.А. Алексеев Республиканскай лицей-интернатын омук тылын учуутала Ильина Сайаана Владимировна 2 миэстэ, Бүлүү улууһун Халбаакы орто оскуолатын математикаҕа учуутала Егорова Айталина Ивановна 3 миэстэ буоллулар.
Ю.Н. Прокопьев аатынан орто оскуола алын сүһүөҕүн учуутала Степанова Стефания Алексеевна «Айар куттаах эдэр учуутал», Н.Г.Золотарев- Якутскай аатынан Харбалаах орто оскуолатын нуучча тылын учуутала Спиридонова Нарыйа Николаевна «Сатабыллаах эдэр учуутал», №3 Бүлүү куоратын орто оскуолатын алын сүһүөҕүн учуутала Сивцева Марина Васильевна «Хомоҕой тыллаах эдэр учуутал», Г.С. Донской аатынан №2 Бүлүү куоратын орто оскуолатын биологияҕа учуутала Степанова Нарыйа Егоровна «Умсугутуулаах эдэр учуутал»; Далыр орто оскуолатын физикаҕа учуутала Акимова Саина Николаевна «Дэгиттэр сатабыллаах эдэр учуутал», М.Т. Егоров аатынан Үөһээ Бүлүүтээҕи орто оскуолатын нуучча тылын учуутала Иванова Эльза Тимофеевна «Кэскиллээх эдэр учуутал» диэн анал ааттарга тигистилэр.
Ахсыс төгүлүн ыытыллар “Үрдүк дабаан” көмөтүнэн хоһоонньут Роберт Фрост “Мин учуутал буолбатахпын. Мин эһигини уһугуннарар киһибин” дииринии, эдэр учууталлар сылтан сыл оҕолор дууһаларыгар үтүөҕэ, кэрэҕэ, сырдыкка саҕахтары астыннар, иэйиилэри уһугуннардыннар, үрдүккэ дабайдыннар!
Л.Н.Алексеева, үөрэх салалтатын кылаабынай специалиһа

скачать dle 11.3

Категория: Информационно-методический центр

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Добавление комментария

Имя:*
E-Mail:
Комментарий:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Подтвердите что вы не робот: *