» П.Тобуруокап 100 сылын көрсө ахтыы-айан

 
 
 

П.Тобуруокап 100 сылын көрсө ахтыы-айан

Автор: alybnik от 31-10-2017, 10:12, посмотрело: 679

0 Иккис күнүгэр, үөрэх салалтатын начальнига Борбуев С.О. көҕүлээһининэн, Алексеева Л.Н. салалтатынан, араас идэлээх учууталлар биир дойдулаахпыт Петр Николаевич олоҕун, айар үлэтин оҕолорго, учууталларга сырдатар аналлаах уруокатары, кылаас таһынааҕы дьарыктары ыыттылар. Ол курдук Дьокуускай куораттааҕы национальнай гимназияҕа алын кылаас учуутала Семенова Саргылаана Максимовна 4б кылааска “Үчүгэйтэн үөрэбит, куһаҕантан хомойобут” диэн уруок ыытта. Бу кылааска норуодунай поэт хос сиэнэ үөрэнэрин бэлиэтиэх тустаахпыт. История учуутала Саввинова Уруйдаана Юрьевна кылаас таһынан үлэҕэ мультик оҥоруу, устуу дьарыгын көрдөрдө. Оҕолор олус сэргээтилэр, П.Тобуруокап “Тиэргэннээҕи зоопарк” айымньытынан бэйэлэрэ мультик оҥорон үөрдүлэр-көттүлэр, мульиктарын интернет киэҥ ситимигэр киллэрдилэр. Саха тылын учуутала Семенова Лилия Васильевна 8а кылааска “Ырыа Бүөтүр ыллыгынан” уруогар оҕолору 6 бөлөххө арааран, П.Н.Тобуруокабы араас өттүттэн арыйдылар. Национальнай гимназия саха тылын учууталларын методическай холбоһуга олус истиҥник көрсөн, дьарыктар бары үрдүк таһымнаахтык аастылар. Түмүккэ туоһу сурук туттаран, М.А.Алексеев туһунан “Учуутал” (хаартысканан дьүһүйүү) фотоальбом кинигэтин, ЯГНГ бэйэтэ оҥорбут П.Тобуруокап хоһооннордоох сакалаат бэлэхтээн, Нам учууталлара П.Тобуруокап 100 сылыгар анаммыт кинигэ кыбытыга утары уунан, үөрэн-көтөн тарҕастыбыт.
Салгыы Саха гимназиятыгар математика учуутала Васильева Лилия Семеновна уонна саха тылын учуутала Аввакумова Сардаана Леонидовна “Күндүттэн күндүнү – олоҕу туойбутум” викторина уруогу 8г, 10б кылааска ыыттылар. 8 кылаас үөрэнээччилэрэр билиигэ көхтөөхтөрүнэн, 10 кылаас уолаттара хоһоон ааҕан учууталлары астыннардылар. Ити кэмҥэ иккис бөлөх Республикатааҕы лицей-интернакка 11 гуманитарнай кылаас үөрэнээччилэригэр П.Тобуруокап туһунан матырыйаал аҕалан, оҕолорго кинигэ оҥотторон, библиотекаҕа өйдөбүнньүк хааллардылар. Лицей үөрэнээччилэрэ дьон иннигэр саҥарар, бэйэлэрин санааларын этинэр дьоҕурдарын учууталлар олус сөбүлүү иһиттилэр. Уруокка ХИФУ саха литературатын үөрэтии методикатын кафедратын методиһа Саргылана Олесова салайааччылаах ХИФУ устудьуоннара сырыттылар.
Мантан салгыы Киренскэй аатынан Амматааҕы лицей саха тылын учуутала Ноговицына Мария Дмитриевна салалтатынан, скайп нөҥүө ситимҥэ киирэн, лицей үөрэнээччилэрэ, педколлектив уонна Нам оскуолатын учууталлара кэпсэтиигэ таҕыстылар. Оҕолор хоһоон аахтылар, интэриэһиргиир ыйытыыларын биэрдилэр, Намтан, Ороһуттан төрүттээх биир дойдулаахтарбыт кэлэн кэпсэтиигэ киирэн, аныгылыы бэрт сэргэх тэрээһин ааста.
Өрөспүүбүлүкэ биллэр-көстөр бастыҥ оскуолаларыгар уруок, дьарык ыытан эдэр учууталлар биир бүк үрдээтилэр, элбэҕи көрдүлэр-иһиттилэр. Биир күннээх үлэ түмүгүнэн, 210 үөрэнээччи, 27 педүлэһит, 1 ХИФУ преподавателэ, 8 ХИФУ устудьуона хабылынна. Онон оскуолабыт улуус иһинэн саҕалаабыт “Дьиктиттэн дьиктини - Киһини күн аайы кэрэтин аһыахха” диэн П.Тобуруокап төрөөбүтэ 100 сылын көрсө саҕалаабыт ахтыы-айанын географията өссө кэҥээн биэрдэ.
Үһүс күҥҥэ улуустааҕы киин библиотека иһинэн үлэлиир “Санаа ситимэ” литературнай түмсүү Дьокуускай куораттааҕы Н.Островскай аатынан көрбөттөр библиотекаларыгар “Таптыырга буруй суох” диэн литературнай-музыкальнай дьүһүйүү туоруорда. Араас идэлээх дьону түмпүт поэзия бөлөҕөр үөрэҕирии салалтатыттан Алексеева Л.Н., Нам агрооскуолатыттан математика учуутала Васильева Л.С., биология учуутала Харитонова С.В., алын кылаас учуутала Семенова С.М., история учуутала Саввинова У.Ю., англия тылын учуутала Филиппова М.Е. , саха тылын учууталлара Аввакумова С.Л. уонна Семенова Л.В кытыннылар. Манна аҥаардас көрбөт дьон эрэ буолбакка, Үөһээ Бүлүүттэн төрүттээх дьон кэлэн астына көрсүһэн бардылар. Спектакльга бэйээт кыыһа Саргылана Петровна, күтүөтэ Дмитрий Федосеевич Наумов, улуус баһылыгын солбуйааччы Люция Спиридоновна Тойтонова ыалдьыттаан аастылар.
Нам оскуолатын эдэр учууталларын аатыттан айаммытын босхо тэрийбит Улуустааҕы Култуура салалтатыгар, “Санаа ситимэ” литературнай түмсүү салайааччытыгар Дария Николаевнаҕа, айаммыт педүлэтин торумнаабыт үөрэх салалтатын начальнигар Борбуев Спиридон Олеговичка, ону сүрүннээбит Алексеева Любовь Николаевнаҕа истиҥ махталбытын тиэрдэбит!


Нам оскуолатын саха тылын, литэрэтиирэтин учуутала Семенова Лилия Васильевнаскачать dle 11.3

Категория: ---

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Добавление комментария

Имя:*
E-Mail:
Комментарий:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Подтвердите что вы не робот: *