Хомоҕой хоһоон алыба

Автор: alybnik от 7-12-2018, 16:14, посмотрело: 149

0 Ахсынньы ыйа - араас тэрээһиннэринэн баай ый. Ол курдук, ый саҕаланыаҕыттан биһиги улууспутугар инбэлииттэр Аан дойдутааҕы күннэригэр уонна Үөһээ Бүлүү улууһугар инбэлииттэр обществолара тэриллибитэ 30 сылыгар аналлаах тэрээһиннэр буолаллар.
Ахсынньы 7 күнүгэр инбэлиитэр декадаларын чэрчитинэн Үөһээ Бүлүүтээҕи Исидор Барахов аатынан № 1 орто оскуолаҕа доруобуйатынан хааччыллыылаах оҕолорго үһүс төгүлүн “Хомоҕой хоһоон алыба” диэн хоһоон ааҕыытыгар күрэх ыытылынна. Күрэҕи учууталлар Васильев Сидор Васильевич, Еремисов Евгений Захарович иилээн-саҕалаан ыыттылар. Учууталлар Васильева Татьяна Ильинична, Моисеева Туйаара Николаевна, Егорова Сардана Январьевна үөрэтэр оҕолорун, төрөппүттэрин кытта бары көмөлөөн, дьоһуннаах тэрээһини оҥордулар. Күрэххэ 1 кылаастан 10 кылааска диэри 12 оҕо кытынна. Дьүүллүүр сүбэҕэ улуус инбэлииттэрин обществотын бэрэссэдээтэлэ Петрова З.С., улуус үөрэҕин салалтатын кылаабынай специалиһа Алексеева Л.Н., оскуола психолога Гаврильев А.В. үлэлээтилэр. Сыаналааһын үс бөлөҕүнэн барда. Ол курдук 1 бөлөххө кыайыылааҕынан Данилов Айсен, И.Барахов аатынан №1 орто оскуолатын 1 кылааһын үөрэнээччитэ, 2 бөлөххө Долгунова Нарыйа, М.Т.Егоров аатынан №2 орто оскуолатын 9 кылааһын үөрэнээччитэ, 3 бөлөххө Федоров Владислав, И.Барахов аатынан №1 орто оскуолатын 2 кылааһын үөрэнээччитэ, кыайыылааҕынан буоллулар. Үөрэх салалтатын анал бирииҺин Н.К.Седалищев- Дьүөгэ Ааныстыырап аатынан Кэнтик орто оскуолатын 2 кылааһын үөрэнээччитигэр Захарова Аэлитаҕа П.Тобуруокап “Танюша сиэникээм” хоһоонун олус үчүгэйдик аахпытыгар үөрэх салалтатын кылаабынай специалиһа Семенова А.Н. туттарда. Сайдыылаах үйэ кэминэн сорох оҕолор хоһоону ааҕалларын ыраахтан информационнай технология көмөтүнэн көрдүбүт. “Мин кимтэн да хаалсыбаппын” диэн санаалаах оҕолор астынан, үөрэн-көтөн тарҕастылар. Инбэлиит оҕолорго сөптөөх эйгэни табыгастаахтык тэрийбит оскуола администрациятыгар, учууталларыгар махтал тылын этэбит.
Алексеева Л.Н. үөрэх салалтатын кылаабынай специалиһа

Категория: Общее образование / Обучение детей-инвалидов и детей с ОВЗ

 
 
 
 
 
 
 
 

Проект специальных требований в ФГОС основного и среднего общего образования для слабослышащих детей в условиях инклюзивного образования

Автор: aliada от 15-10-2018, 15:27, посмотрело: 96

0 Проект специальных требований в ФГОС основного и среднего общего образования для слабослышащих детей в условиях инклюзивного образования

Категория: Общее образование / Обучение детей-инвалидов и детей с ОВЗ

 
 
Назад Вперед